فرانس، جرمنی، اٹلی، ناروے، نیدرلینڈز اور برطانیہ کے رہنماؤں نے مشترکہ بیان جاری کیا جس میں اسرائیلی حکومت کے دریائے اردن کے مغربی کنارے پر “ای ون” آبادکاری منصوبے کے لیے ٹینڈر جاری کرنے کے فیصلے کو “نا قابل قبول” قرار دیا گیا ہے۔ ان چھ ممالک نے اسرائیل سے مطالبہ کیا ہے کہ وہ متعلقہ منصوبہ فوری طور پر واپس لے اور مغربی کنارے میں یہودی بستیوں کی توسیع روکے ۔مذکورہ چھ ممالک کے رہنماؤں نے کمپنیوں سے بھی اپیل کی ہے کہ وہ اس منصوبے کے تعمیراتی ٹینڈر میں حصہ نہ لیں۔
اسی روز مصر کی وزارت خارجہ اور بیلجیم کے وزیر خارجہ نے بھی بیانات جاری کیے جن میں اسرائیل کی جانب سے “ای ون” آبادکاری منصوبے کی مذمت کی گئی۔
ایک اور اطلاع کے مطابق ،مقامی وقت کے مطابق 20 اگست کو مصر، قطر اور ترکیہ نے ایک مشترکہ بیان جاری کیا،جس میں اسرائیل کی غزہ پٹی میں کارروائیوں کی شدید مذمت کی گئی جن میں فلسطینی خواتین اور بچوں سمیت عام شہری ہلاک اور زخمی ہوئے ہیں۔
