چین-سوئٹزرلینڈ آزاد تجارتی معاہدے کی اپ گریڈیشن کے مذاکرات مکمل

بیجنگ :سوئٹزرلینڈ کے وفاقی صدر اور وزیر برائے اقتصادی اموراور تعلیم و تحقیق گائے پارملن نے برن میں چین کے وزیر تجارت وانگ ون تھاؤسے ملاقات کی اور مشترکہ طور پر چین-سوئٹزرلینڈ آزاد تجارتی معاہدے کی اپ گریڈیشن کے مذاکرات مکمل کرتے ہوئے مفاہمتی یادداشت پر دستخط کا اعلان کیا۔وانگ ون تھاؤ نے کہا کہ جنوری 2026 میں صدر شی جن پھنگ نے صدر پارملن کو تہنیتی پیغام بھیجا تھا، جس میں اس بات پر زور دیا گیا تھا کہ چین سوئٹزرلینڈ کے ساتھ مل کر باہمی فائدہ مند تعاون کو مسلسل وسعت دینے اور چین-سوئٹزرلینڈ تعلقات کو مسلسل نئی بلندیوں تک پہنچانے کے لیے کام کرنے کو تیار ہے۔ ستمبر 2024 میں چین اور سوئٹزرلینڈ نے آزاد تجارتی معاہدے کی اپ گریڈیشن پر مذاکرات کا آغاز کیا، اور دونوں کی مشترکہ کوششوں سے پانچ ادوار کی مشاورت کے بعد اپ گریڈیشن مذاکرات کامیابی سے مکمل ہوئے۔ دونوں ممالک نے اس عزم کا اظہار کیا کہ وہ اشیاء، خدمات، سرمایہ کاری اور قواعد و ضوابط سمیت متعدد شعبوں میں اعلیٰ سطحی دو طرفہ کھلا پن فراہم کریں گے، جو دونوں ممالک کے اقتصادی اور تجارتی تعاون کے لیے نئے مواقع پیدا کرے گا۔چین-سوئٹزرلینڈ آزاد تجارتی معاہدے پر جولائی 2013 میں دستخط ہوئے تھے اور یہ جولائی 2014 میں نافذ العمل ہوا، جو یورپی براعظم کے کسی ملک کے ساتھ چین کا پہلا آزاد تجارتی معاہدہ ہے۔