چین، شی آن میں مصنوعی ذہانت اور انسانی ترقی کے حوالے سے مکالمے کے اجلاس کا آغاز

بیجنگ: مصنوعی ذہانت اور انسانی ترقی کے حوالے سے مکالمے کا اجلاس چین کے صوبہ شانشی کے شہر شی‌آن میں شروع ہوا۔ یہ اقوام متحدہ کی جانب سے رواں سال جون میں مصر اور جولائی میں میکسیکو میں منعقد کیے جانے والے مکالموں کے بعد تیسرا اجلاس ہے ۔ اس اجلاس کا مرکزی موضوع مصنوعی ذہانت کے انسانی ترقی، سماجی ڈھانچے اور ثقافتی اقدار پر گہرے اثرات کا جائزہ لینا ہے۔اطلاعات کے مطابق، اس اجلاس میں پیش کیے جانے والے مختلف خیالات اور تجاویز کو یکجا کر کے ایک خصوصی رپورٹ مرتب کی جائے گی جو اقوام متحدہ کی اکیاسیویں جنرل اسمبلی کے اجلاس کے دوران مرحلہ وار نتائج کی صورت میں پیش کی جائے گی۔ اجلاس میں ہونے والی متعلقہ بحث “مستقبل کے معاہدے ” اور عالمی ڈیجیٹل معاہدے ” پر عملدرآمد کو آگے بڑھانے میں بھی معاون ثابت ہو گی ۔ اس کے علاوہ یہ بحث مصنوعی ذہانت کے حوالے سے اقوام متحدہ کے آزاد بین الاقوامی سائنسی پینل اور مصنوعی ذہانت کی حکمرانی سے متعلق عالمی مکالمے کے لیے حوالہ بھی فراہم کرے گی۔