چینی صدر کے برکس سمٹ سے خطاب کی عالمی سطح پر نمایاں ستائش

بیجنگ :متعدد ممالک کی شخصیات نے کہا ہے کہ صدر شی جن پھنگ نے برکس ممالک کے 18ویں سربراہ اجلاس سے اہم خطاب کے دوران خاندان” کے اگلے “سنہری عشرے” کی جانب مشترکہ پیش قدمی کے لیے واضح رہنمائی فراہم کی اور بنی نوع انسان کے ہم نصیب معاشرے کی تعمیر کو فروغ دینے کے لیے مختلف ممالک کے مشترکہ اقدامات میں نئی قوت پیدا کی۔روس کی ریاستی دوما کی کمیٹی برائے بین الاقوامی امور کے فرسٹ ڈپٹی چیئرمین دمتری نوویکوف نے کہا کہ صدر شی جن پھنگ گلوبل ساؤتھ کو خصوصی اہمیت دیتے ہیں اور انہوں نے برکس کی آئندہ 10 سالہ ترقی کے روشن امکانات کی نشاندہی کی ہے۔ انہوں نے مصنوعی ذہانت جیسے اہم موضوع پر بھی خصوصی توجہ دی۔ چین نہ صرف اس شعبے میں صفِ اول کا ملک ہے بلکہ اپنے تجربات شیئر کرنے کے لیے بھی تیار ہے تاکہ مصنوعی ذہانت پوری انسانیت کی بہتر خدمت کر سکے ۔تھائی لینڈ کے سابق نائب وزیراعظم پِنی نے کہا کہ صدر شی جن پھنگ نے برکس ممالک پر زور دیا ہے کہ وہ جدت طرازی پر مبنی ترقی کے فروغ، امن و استحکام کے تحفظ، تہذیبوں کے تبادلے اور عالمی گورننس میں اصلاح و بہتری کے علم بردار بنیں۔ انہوں نے پانچ اقدامات بھی پیش کیے جو چار گلوبل انیشی ایٹوز سے ہم آہنگ ہیں۔ تھائی لینڈ صدر شی جن پھنگ کی تجاویز کی پُرعزم حمایت کرتا ہے اور تمام فریقوں کے ساتھ مل کر “گریٹر برکس تعاون” کی اعلیٰ معیار کی ترقی کو فروغ دینے کے لیے کام کرے گا۔متعدد ممالک کی شخصیات نے کہا کہ صدر شی جن پھنگ کے اہم خطاب نے عالمی امن و استحکام، ترقی اور خوشحالی کے لیے قیمتی مثبت توانائی فراہم کی ہے۔ وہ برکس فریم ورک کے تحت چین کے ساتھ تعاون مزید مضبوط بنانے اور “گریٹر برکس تعاون” کی اعلیٰ معیار کی ترقی کے لیے مشترکہ کوششوں میں اپنا کردار ادا کرنے کے خواہاں ہیں۔