اسلام آباد(نیوزڈیسک)مسلم لیگ (ن) کے قائد وسابق وزیراعظم میاں محمد نوازشریف نے کو وطن واپسی پر ممکنہ گرفتاری سے بچانے کے لیے قانونی ٹیم نے حکمت عملی تیار کر لی ہے۔
تفصیلات کے مطابق نواز شریف نے 21 اکتوبر کو پاکستان واپس آنے کا اعلان کیا ہے۔ ان کی وطن واپسی پر گرفتاری سے بچانے کے لیے قانونی ٹیم نے حکمت عملی تیار کر لی ہے اور مختلف آپشن پر مبنی رپورٹ نواز شریف کو پیش کر دی ہے۔
نواز شریف کی وطن واپسی سے ایک ہفتہ قبل قانونی ٹیم کی جانب سے سابق وزیراعظم کی حفاظتی ضمانت کی درخواست دائر کی جائے گی۔
ذرائع کے مطابق درخواست ضمانت ایک نہیں بلکہ متفرق ایک دن، ایک یا دو ہفتے ضمانتوں کے لیے دائر کی جائیں گی۔
عدالت سے جتنے دن کی بھی ضمانت ملے گی اس کے اگلے دن نواز شریف سرینڈر کریں گے اور ن لیگ کی قانونی ٹیم عدالت کو یہ یقین دہانی کرائے گی۔
واضح رہے کہ نواز شریف بغرض علاج 2019 میں لندن گئے تھے اور انہیں ان کے بھائی شہباز شریف کی 50 روپے کے اسٹامپ پیپر پر ضمانت دیے جانے کے بعد عدالت نے لندن جانے کی اجازت دی تھی۔
