اسلام آباد(نیوزڈیسک) پاکستان میں تعینات ترک سفیرڈاکٹر مہمت پکاچی کا کہنا ہے کہ پاک ترک تعلقات میں مزید بہتری لانے کے لیے مختلف پروجیکٹس لائیں گے۔
تفصیلات کے مطابق ترکیہ کے سفیر ڈاکٹر مہمت پکاچی نے غلام اسحاق خان انسٹیٹیوٹ کا دورہ کیا ہے۔
اس موقع پر انہوں نے پاک ترک تعلقات پر بات کرتے ہوئے کہا کہ دونوں مسلم ممالک کے درمیان برادرانہ تعلقات ہیں۔
ترک سفیر نے کہا کہ دونوں ملکوں نے انسدادِ دہشت گردی میں تعاون کر کے بین الاقوامی سطح پر ایک دوسرے کی پالیسیوں کی حمایت کی ہے۔
ڈاکٹر مہمت پکاچی نے یہ بھی کہا ہے کہ جب بھی قدرتی آفات آئی ہیں تو ہم نے ایک دوسرے کی مدد کرنے کا بیڑا اُٹھایا ہے۔
