اسلام آباد (نیوزڈیسک) سعودی عرب میں سابق امیرالبحرایڈمرل محمدامجد کو ان کی گراں قدر خدمات کے اعزاز میں ’’کنگ عبدالعزیزمیڈل‘‘ سے نوازا دیا گیا۔
تفصیلات کے مطابق پاک بحریہ کے ترجمان کی جانب سے بیان میں کہا گیا ہے کہ سعودی عرب میں سابق امیرالبحرایڈمرل محمدامجد کو ’’کنگ عبدالعزیز میڈل‘‘ سے نوازا گیا۔
ترجمان کا کہنا تھا کہ سابق امیرالبحرایڈمرل محمدامجدخان نیازی کوانکی گراں قدر خدمات کے اعزاز میں ایوارڈسےنوازا گیا ، ایوارڈ کی تقریب مکہ کےکلاک ٹاورمیں ہوئی، دونوں ممالک کےسول وعسکری حکام نے شرکت کی۔
خیال رہے پاک بحریہ سربراہ ایڈمرل امجد خان نیازی 7 اکتوبر کو سبکدوش ہوئے تھے اور پاک بحریہ کی کمان نئے ایڈمرل چیف نوید اشرف کے حوالے کی تھی۔
