چین،چھن ہاؤ حوئی 394 ووٹ حاصل کر کے مکاؤ کے چھٹے ڈیزگنیٹ چیف ایگزیکٹو منتخب

By admin On اکتوبر 13, 2024

بیجنگ :مکاؤ خصوصی انتظامی علاقے کے چھٹے چیف ایگزیکٹو کا انتخاب اتوار کے روز منعقد ہوا ۔ چھن ہاؤ حوئی 400 افراد پر مشتمل انتخابی کمیٹی کے ووٹوں میں 394 ووٹ حاصل کر کے چھٹے ڈیزگنیٹ چیف ایگزیکٹو منتخب ہوئے۔چھن ہاؤ حوئی مئی 1962 میں پیدا ہوئے ۔ 20 دسمبر 1999 کو، چھن ہاؤ حوئی کو مکاؤ خصوصی انتظامی علاقے کی عدالت برائے حتمی اپیل کا صدر مقرر کیا تھا ۔ساتھ ہی چھن ہاؤ حوئی نے ججز کمیٹی کے چیئرمین،ججوں کی تعیناتی کی سفارش کرنے والی آزاد کمیٹی کے رکن ،بین العلاقائی عدالتی معاونت اور بین الاقوامی باہمی عدالتی معاونت کے ورکنگ گروپ کے رکن اور مکاؤ بیسک لاء پروموشن ایسوسی ایشن کے اعزازی صدر کے طور پر خدمات انجام دیں۔چینی ریاستی کونسل کے دفتر برائے امور ہانگ کانگ اور مکاؤ نےچھن ہاؤ حوئی کو مکاؤ ایس اے آر کے چھٹے ڈیزگنیٹ چیف ایگزیکٹیو منتخب ہونے پر مبارکباد دی اور کہا کہ مادر وطن میں مکاؤ کی واپسی کی پچیسویں سالگرہ کے موقع پر، انتخابات کی مکمل کامیابی مکاؤ معاشرے کی "ایک ملک، دو نظام” کے لیے مخلصانہ حمایت اور مکاؤ خصوصی انتظامی علاقے کے قیام کے بعد سے پچھلے پچیس سالوں میں اس کی ترقی کے راستے اور کامیابیوں پر پختہ اعتماد کی مکمل عکاسی کرتی ہے۔ چینی ریاستی کونسل کے ہانگ کانگ اور مکاؤ امور کے دفتر نے کہا کہ یہ انتخاب مکاؤ کے معاشرے کی طرف سےچھن ہاؤ حوئی کے کردار،تصورات، صلاحیتوں اور انداز کی وسیع پیمانے پر پہچان اور مکاؤ کے نئے چیف ایگزیکٹو کی قیادت میں ترقی کی نئی بلندیاں حاصل کرنے کی اس کی پرجوش توقعات کی بھی پوری طرح عکاسی کرتا ہے۔چھن ہاؤ حوئی نے اسی دن کہا کہ وہ بہتر زندگی کی عوامی امنگوں کو پورا کرنے کو اپنی انتظامیہ کا سب سے بڑا ہدف سمجھیں گے۔انہوں نے کہا کہ وہ "ایک ملک، دو نظام” کے اصول کو مکمل اور درست طریقے سے نافذ کریں گے، قومی خودمختاری، سلامتی اور ترقیاتی مفادات کے تحفظ کو اعلی ترین اصول قرار دیں گے ، معیشت کی ترقی کو تیز کریں گے اور ملک کی مجموعی ترقی میں بہتر طریقے سے حصہ ادا کرتے ہوئے اپنی خدمات سرانجام دیں گے۔