چین کا مینوفیکچرنگ پرچیزنگ مینیجر انڈیکس مارچ میں 50.4 فیصد رہا

بیجنگ :چین کے قومی ادارہ شماریات اور چائنا لاجسٹکس اینڈ پرچیزنگ ایسوسی ایشن نے 31 تاریخ کو مارچ کے لیے چین کا مینوفیکچرنگ پرچیزنگ مینیجر انڈیکس جاری کیا۔ اعداد و شمار کے مطابق مارچ میں مینوفیکچرنگ کی صورتحال میں بہتری آئی، مارکیٹ کی طلب بہتر طریقے سے جاری رہی اور صنعتی اداروں کی پیداواری سرگرمیاں مجموعی طور پر بڑھیں۔مارچ میں چین کا مینوفیکچرنگ پرچیزنگ مینیجر انڈیکس 50.4 فیصد رہا ، جو پچھلے مہینے کے مقابلے میں 1.4 فیصد زیادہ ہے، اور دو ماہ 50 فیصد سے نیچے رہنے کے بعد توسیعی مقام میں آ گیا ہے ، جس سے مینوفیکچرنگ کی سرگرمی میں بہتری کا اظہار ہوتا ہے۔نان مینوفیکچرنگ سیکٹر میں ، مارچ میں مجموعی سرگرمیوں میں بہتری نظر آئی۔ بنیادی ڈھانچے سے متعلق سرمایہ کاری کی سرگرمیاں واضح طور پر فعال ہو ئیں ، انفارمیشن سروسز کی سرگرمی اچھی رہی، اور مالیاتی سرگرمیوں نے حقیقی معیشت کی مضبوط حمایت برقرار رکھی ہے ۔