چین ڈیٹا ڈیجیٹل معیشت کی ترقی کو بہت ایمیت دیتا ہے، چینی نائب وزیر اعظم

بیجنگ :چین کے نائب وزیر اعظم دنگ شوئی شیانگ نے بیجنگ میں ورلڈ ڈیٹا آرگنائزیشن کے قیام کے اجلاس میں شرکت کی۔انہوں نے صدر شی جن پھنگ کا تہنیتی خط پڑھا اور کلیدی خطاب کیا ۔منگل کے روزدنگ شوئی شیانگ نے کہا کہ ورلڈ ڈیٹا آرگنائزیشن کا قیام ڈیٹا پر بین الاقوامی تعاون کو گہرا کرنے میں ایک اہم پیش رفت ہے ۔انہوں نے بتایا کہ صدر شی جن پھنگ نے اس ضمن میں ایک تہنیتی خط بھیجا ہے جس میں ورلڈ ڈیٹا آرگنائزیشن کے لیے اپنی اعلیٰ توقعات کا اظہار کیا ہے ۔دنگ شوئی شیانگ نے کہا کہ چین ڈیٹا گورننس اور ڈیجیٹل معیشت کی ترقی کو بہت ایمیت دیتا ہے، ڈیٹا کے دانشورانہ املاک کے حقوق جیسے بنیادی نظاموں کی تشکیل کو تیز کر رہا ہے، اور ڈیٹا کو صنعتی اپ گریڈیشن، عوامی فلاح و بہبود کی خدمت، اور گورننس کی افادیت کو بہتر بنانے کے لیے استعمال کر رہا ہے، جس سے اہم نتائج حاصل ہوئے ہیں۔ انہوں نے کہا کہ ہم ڈیجیٹل چین کی تعمیر کو مزید آگے بڑھائیں گے، ڈیٹا وسائل کے استعمال کو فروغ دیں گے، ڈیجیٹل اور انٹیلیجنٹ ٹیکنالوجیز میں جدت تیز کریں گے، اور ان کے اطلاق کے دائرے کو فعال طور پر وسعت دیں گے، تاکہ عالمی ڈیجیٹل معیشت کی خوشحالی اور ترقی میں بھرپور توانائی فراہم کی جا سکے۔دنگ شوئی شیانگ نےزور دیتے ہوئے کہا کہ ورلڈ ڈیٹا آرگنائزیشن کے قیام کے موقع پر ورلڈ ڈیٹا گورننس کی بہتری کو فروغ دیا جائے گا اور ڈیجیٹل معیشت کی صحت مند ترقی کو حاصل کیا جائے گا۔