بشیراللہ خان انقلابی کی حریت رہنما الطاف بٹ کی رہائش گاہ آمد، والدہ کے انتقال پر فاتحہ خوانی

اسلام آباد (نمائندہ خصوصی)
سیاسی سماجی رہمنا بشیراللہ خان انقلابی نے سینئر حریت رہنما الطاف بٹ کی والدہ کے انتقال پر ان کے گھر جا کر فاتحہ خوانی کی اور مرحومہ کے ایصالِ ثواب کے لیے دعا کی۔اس موقع پر حریت کانفرنس کے سینئر رہنما شیح متین اور متحدہ جہاد کونسل کے سابق چیئرمین تنویر سلام بھی موجود تھے۔ تمام شرکاء نے مرحومہ کے درجات کی بلندی اور لواحقین کے لیے صبر جمیل کی دعا کی۔ بشیراللہ خان انقلابی نے اس موقع پر اظہارِ افسوس کرتے ہوئے کہا کہ والدہ کا سایہ انسان کے لیے ایک عظیم نعمت ہوتا ہے، جس کا خلا کبھی پُر نہیں ہو سکتا۔ انہوں نے کہا کہ دکھ کی اس گھڑی میں ہم سوگوار خاندان کے ساتھ برابر کے شریک ہیں۔آخر میں اجتماعی دعا کی گئی جس میں مرحومہ کی مغفرت اور جنت الفردوس میں اعلیٰ مقام کی دعا کی گئی۔