پاکستان ترقی پذیر ممالک کی خودمختاری کے لیے چین کی مسلسل حمایت کو سراہتا ہے، اسحاق ڈار

نیو یارک : ” گروپ آف فرینڈز آف گلوبل گورننس” کا اجلاس نیویارک میں اقوام متحدہ کے صدر دفتر میں منعقد ہوا، جس کا موضوع تھا "عالمی طرز حکمرانی میں اصلاحات اور بہتری لانا اور عالمی چیلنجز سے مشترکہ طور پر نمٹنا "۔ اجلاس میں پاکستان، ترکمانستان اور کیوبا سمیت 60 سے زائد ممالک کے نمائندوں نے شرکت کی۔” گروپ آف فرینڈز آف گلوبل گورننس” کے اجلاس میں، کئی ممالک کے نمائندوں نے گلوبل گورننس انیشی ایٹو کی تعریف اور حمایت کی۔ ان کا خیال تھا کہ گلوبل گورننس انیشی ایٹو منصفانہ،جامع ترقی اور کثیرالجہتی تعاون کے لیے بین الاقوامی برادری کی فوری توقعات کا جواب دیتا ہے، اقوام متحدہ کی اتھارٹی اور حیثیت کے تحفظ میں مدد کرتا ہے، اور گلوبل گورننس سسٹم کی ترقی کو زیادہ منصفانہ اور معقول سمت میں فروغ دیتا ہے۔پاکستانی نائب وزیر اعظم اور وزیر خارجہ محمد اسحاق ڈار نے کہا کہ پاکستان بین الاقوامی معاملات میں چین کے مستحکم کردار کو انتہائی قدر کی نگاہ سے دیکھتا ہے اور ترقی پذیر ممالک کی خودمختاری، ترقی اور خوشحالی کے لیے چین کی مسلسل حمایت کو سراہتا ہے۔انہوں نے کہا کہ گلوبل گورننس انیشی ایٹو کا مقصد موجودہ بین الاقوامی نظام کو تبدیل کیے بغیر اس میں اصلاحات اور بہتری لاناہے۔ یہ اقوام متحدہ کے مرکزی کردار کو مضبوط کرتا ہے جبکہ عالمی فیصلہ سازی کے عمل میں گلوبل ساؤتھ ممالک کی موثر نمائندگی اور مضبوط آواز کی وکالت کرتا ہے۔ اسحاق ڈار کا کہنا تھا کہ پاکستان اس انیشی ایٹو کی مکمل حمایت کرتا ہے۔