لاہور(مانیٹرنگ ڈیسک)لاہور کی اسپیشل کورٹ سینٹرل نے منی لانڈرنگ کیس میں سابق وزیرِ اعلیٰ پنجاب چودھری پرویز الٰہی کو عدالت میں پیش کرنے کا حکم دے دیا۔
تفصیلات کے مطابق چودھری پرویز الٰہی اور مونس الٰہی کے خلاف منی لانڈرنگ کیس کی سماعت ہوئی۔
عدالت نے مونس الہٰی کو ذاتی حیثیت میں طلب کر لیا۔
اسپیشل کورٹ سینٹرل نے کہا کہ چودھری پرویز الٰہی کو 23 اکتوبر کو جیل سے لا کر عدالت میں پیش کیا جائے، ڈائریکٹر ایف آئی اے اور متعلقہ جیل سپرنٹنڈنٹ ان کی عدالت میں پیشی یقینی بنائیں۔
عدالت میں مونس الہٰی کے وکیل نے مونس الہٰی کی جانب سے وکالت نامہ پیش کیا۔
عدالت نے ریمارکس میں کہا کہ وکیل کو ملزم کے بارے میں پتہ ہے، فوجداری کارروائی میں ملزم کی ذاتی حیثیت میں پیشی ضروری ہے۔
اسپیشل کورٹ سینٹرل نے کہا کہ مونس الہٰی کے وکلاء آئندہ سماعت پر ان کو عدالت پیش کریں۔
